مۇنبەر خەۋەر تېرمىنالى مەخسۇس سەھىپە دېھقانلار تورى يانفون گېزىتى ئۈندىدار سالونى
    تەرمىلەر

    ئىككى بېلىق تۇتقۇچى

    بۇئايشەم2016-03-31 11:41:24شىنجاڭ گېزىتى

        بىر ياش كۆل بويىغا كېلىپ بېلىق تۇتماقچى بوپتۇ. ئۇ ئۆزىنىڭ چوڭ بىر بېلىق تۇتالايدىغانلىقىغا بەكلا ئىشىنىدىكەن. ئەمما بىر كۈن ھەپىلىشىپمۇ ھېچنېمە تۇتالماپتۇ. بىر قانچە جايغا ئالماشقان بولسىمۇ، يەنىلا بېلىق قارماققا ئىلىنماپتۇ. ئۇنىڭ يېنىدا بىر بوۋاي بېلىق تۇتۇۋاتقان بولۇپ، ئىشلەتكەن قارمىقى ئۇنىڭكى بىلەن ئوخشاش ئىكەن، ئەمما بوۋاي توختاۋسىز بېلىق تۇتىدىكەن.

        بوۋاينىڭ سېۋىتىدىكى چوڭ بېلىقلارنى كۆرۈپ، ياشنىڭ سەۋر قاچىسى توشۇپ، بوۋايدىن:

        -بوۋا، ئىككىمىز ئىشلەتكەن قارماق ئوخشاشكەن، ئولتۇرغان ئورنىمىزمۇ بىر يەردە، نېمىشقا سىز كۈچىمەيلا چوڭ بېلىقلارنى تۇتالايسىز، مەن ھېچنېمىنى تۇتالمايمەن؟- دەپ سوراپتۇ.

        بوۋاي كۈلۈپ كېتىپ:

        -مەن بېلىق تۇتقاندا ئۆزۈمنىڭ مەۋجۇتلۇقىنىلا بىلىمەن، بېلىقنىڭ مەۋجۇتلۇقىنى بىلمەيمەن. قولۇم جىم تۇرۇپلا قالماي، ھەتتا كۆزۈمنىمۇ چوڭراق ئاچمايمەن، يۈرىكىممۇ ھەرىكەتتىن توختاپ قالغاندەك بولىدۇ، بېلىقلار مېنىڭ مەۋجۇتلۇقۇمنى ئاڭقىرالمايدۇ. شۇنىڭ بىلەن ئۇلار خاتىرجەم ھالدا قارمىقىمنى چىشلىشىدۇ؛ سىزچۇ، بېلىق قارماققا ئىلىندىمۇ، دەپ توختىماي قارايسىز، كەيپىياتىڭىز ئۆزگىرىپ تۇرىدۇ، قەلبىڭىز تىنىچلانمايدۇ، بېلىق سىزنى كۆرسە نېرى قېچىپ كېتىدۇ، بۇنداق بولغاندا سىز قانداق بېلىق تۇتالايسىز؟- دەپتۇ.

        بىر ئادەم ئۆزىنىڭ كالتە پەملىكىنى بىلەلىسە، ئاندىن ئىشلىرىدا نەتىجە كۆرەلەيدۇ؛ باشقىلارنىڭ مۇۋەپپەقىيىتىنىلا كۆرۈپ، ئۇلار قولغا كەلتۈرگەن مۇۋەپپەقىيەتنىڭ كەينىدىكى سەۋەبلەرنى ئىزدىمىسە نەتىجىگە ئېرىشكىلى بولمايدۇ.

        ئالىمجان ھەسەن(ت)

        

    ئەسكەرتىش:

    تورىمىزدىكى ئەسەرلەرنىڭ نەشىر ھوقۇقى شىنجاڭ ئۇيغۇر ئاپتونوم رايونلۇق ئاخبارات ئىشخانىسىغا تەۋە، ھەرقايسى تاراتقۇلار كۆچۈرۈپ تارقاتقاندا «تەڭرىتاغ تورى›› دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.