مۇنبەر خەۋەر تېرمىنالى مەخسۇس سەھىپە دېھقانلار تورى يانفون گېزىتى ئۈندىدار سالونى
    تۇرمۇش لۇغىتى

    تېمىتما دورىلارنى ئىشلەتكەندە ئۇسۇلغا دىققەت قىلىڭ

    مەۋلۇدە2017-04-28 15:37:48تەڭرىتاغ ئۇيغۇرچە تورى

        كۆزگە تېمىتىدىغان دورا

        ئادەتتە كۆزگە تېمىتىدىغان دورىلارنى تېمىتىپ قويۇپلا كارىمىز بولمايدۇ. لېكىن تەتقىقاتچىلارنىڭ دېيىشىچە، كۆزگە تېمىتىدىغان دورا بۇرۇن-ياش نەيچىسى ئارقىلىق ئېغىز بوشلۇقىغا بارىدىكەن ياكى يۈزىگە ئېقىپ، تولۇق سۈمۈرۈلمەيدىكەن، شۇڭا كۆزگە تېمىدىغان دورىنى تېمىتىپ بولۇپ، كۆز چانىقىنى مۇۋاپىق دەرىجىدە بېسىپ تۇرغاندا، بۇنىڭ ئالدىنى ئالغىلى بولىدىكەن.

        بۇرۇنغا تېمىتىدىغان دورا

        بۇرۇنغا تېمىتىدىغان دورا ئادەمنى سەل بىئارام قىلغاچقا، بىلىپ-بىلمەيلا بۇرۇننى تارتىپ قالىمىز. تەتقىقاتچىلارنىڭ بىلدۈرۈشىچە، بۇرۇنغا تېمىتىدىغان دورىنى ئىشلىتىپ بولۇپ بۇرۇننى تارتقاندا دورا كېكىردەككە كېتىپ دورىنىڭ ئۈنۈمى بولمايدىكەن، شۇڭا بۇرۇنغا تېمىتىدىغان دورىنى بۇرۇن دىۋارىغا تېمىتىش، دورىنى تېمىتقاندا يەنە بىر بۇرۇننى ئېتىۋالماسلىق كېرەك.

        قۇلاققا تېمىتىدىغان دورا

        قۇلاققا تېمىتىدىغان دورىنى ئادەتتە تېمىتىپ بولۇپلا، ئوڭدىسىغا ياتىمىز ياكى ئورنىمىزدىن تۇرۇپ كېتىمىز، بۇنداق قىلغاندا دورىنىڭ قىلچىلىك ئۈنۈمى بولمايدىكەن، شۇڭا قۇلاققا تېمىتىدىغان دورىنى تېمىتىپ بولۇپ، ئىككى مىنۇتلارچە يېنىچە يېتىش كېرەك ئىكەن.

    ئەسكەرتىش:

    تورىمىزدىكى ئەسەرلەرنىڭ نەشىر ھوقۇقى شىنجاڭ ئۇيغۇر ئاپتونوم رايونلۇق ئاخبارات ئىشخانىسىغا تەۋە، ھەرقايسى تاراتقۇلار كۆچۈرۈپ تارقاتقاندا «تەڭرىتاغ تورى›› دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.