مۇنبەر خەۋەر تېرمىنالى مەخسۇس سەھىپە دېھقانلار تورى يانفون گېزىتى ئۈندىدار سالونى
    ئائىلە ۋە نىكاھ

    ئەرلەر ئاياللىرىنىڭ قانداق كىيىنىشىنى ياقتۇرىدۇ

    ئايگۈل ئابدۇللا2017-01-12 17:39:06تەڭرىتاغ ئۇيغۇرچە تورى

     شۇنچە كۆپ كىيىملىرىڭىز ئارىسىدا قايسىسىنىڭ جەزبىدارلىقىڭىزنى تېخىمۇ ئاشۇرىدىغان ، قايسىسىنىڭ سىزنى تېخىمۇ ياش ، تېتىك ، قايسىسىنىڭ سالاپەتلىك كۆرسىتىدىغانلىقىنى بىلەمسىز؟ كۆپىنچە ئەرلەر ئاياللىرىنىڭ كىيىنىشىگە دىققەت قىلىدۇ ، بولۇپمۇ سۇرۇنلارغا بارغاندا قانداق كىيىنىش مەسلىسى ئاياللارنىڭلا ئەمەس ، ئەرلەرنىڭمۇ بېشىنى قاتۇرىدۇ ، چۈنكى ھەر قانداق ئەر ئايالىنىڭ چاكىنا كىيىنىۋېلىشى تۈپەيلىدىن ئابرويىنىڭ تۆكۈلۈپ كېتىشىنى خالىمايدۇ .

     بەزى ئەرلەر:‹‹ ئايال كىشى چىرايلىق بولسا ، قانداقلا كىيىم كىيسە يارىشىۋېرىدۇ›› دەپ قارايدۇ ، لېكىن كۆپىنچە ئەرلەرنىڭ قارىشى بۇنىڭغا ئوخشىمايدۇ .

     ئەرلەر ئايالىنىڭ ھەر ۋاقىت جەزبىدارلىقىنى نامايەن قىلىدىغان كىيىملەرنى كىيىشىنى ئارزۇ قىلىدۇ . ئەرلەر ئاياللىرىنىڭ جەزبىدار تۇرقىنى باشقىلارغا ، ئاددىي (كۆرۈمسىز) ھالىتىنى ئۆزىگە كۆرسىتىشىدىن نارازى بولىدۇ . ئۇلارنىڭ نەزىرىدە بۇمۇ ئاجرىشىشقا سەۋەب بولىدىغان ئامىللارنىڭ بىرى ئىكەن .

     زىيادە ئوچۇق ، تار كىيىم كىيگەن ئايال ئېرىگە چاكىنا تەسىر بېرىپ قويىدۇ . بەزى ئاياللار تېخىمۇ ياش ، ئوماق كۆرۈنۈش ئۈچۈن ، يېشىغا ماس كەلمىگەن كىيىملەرنى كىيىۋالىدۇ . ئۇنىڭ شۇ چاغدىكى تۇرقى ئېرىگە ئوماق كۆرۈنمەستىن ، ئەكىسچە تېتىقسىز تەسىر بېرىدۇ .

     سورۇنغا قاراپ كىيىنەلەيدىغان ئاياللار ئەرلەرنىڭ نەزىرىدە ئەڭ جەلپكار ئايال ھېسابلىنىدۇ .

     ئاياللار :‹‹ئېگىز پاشنىلىق ئاياغ كىيسە ، گۈزەللىكنى تېخىمۇ نامايەن قىلغىلى بولىدۇ›› دەپ قارايدۇ ، لېكىن بەزى ئەرلەر ئاياللارنىڭ ئېگىز پاشنىلىق ئاياغ كىيىۋېلىشىنى ياقتۇرمايدۇ .

     قىسقىسى، ئېرىڭىزنىڭ نەزىرىدىكى جەلپكار ئايال بولاي دېسىڭىز، سورۇنغا قاراپ كىيىنىشنى ئۆگىنىۋېلىڭ ، شۇ چاغدىكى تۇرقىڭىز بەلكىم باشقىلارنىڭ ئالدىدا ئېرىڭىزنىڭ ئابرويىنى ئۆستۈرۈشى مۇمكىن .

    ئەسكەرتىش:

    تورىمىزدىكى ئەسەرلەرنىڭ نەشىر ھوقۇقى شىنجاڭ ئۇيغۇر ئاپتونوم رايونلۇق ئاخبارات ئىشخانىسىغا تەۋە، ھەرقايسى تاراتقۇلار كۆچۈرۈپ تارقاتقاندا «تەڭرىتاغ تورى›› دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.